ЕЛБАСЫ: "РОЖДЕСТВО - ӘДІЛДІК МЕЙРАМЫ"

ЕЛБАСЫ:

Мемлекет басшысы Нұрсұлтан НАЗАРБАЕВ бүгін барша православ христиандарын Рождество мерекесімен құттықтады. Бұл туралы Қазақстан Республикасы Президентінің ресми сайтында жарияланды. Төменде біз Елбасы құттықтауының толық мәтінін беріп отырмыз.

"Қымбатты отандастар! Барша православ христиандарын Рождество мерекесімен құттықтаймын!

Бұл – жақсылық пен әділдікті, жақын жандарға деген мейірім мен сүйіспеншілікті дәріптейтін, жоғары гуманистік идеалдарға деген сенімді нығайтатын мейрам. Қазақстандықтар бір-бірін басты рухани мерекелермен құттықтай отырып, әркімге түсінікті және әр адамның жанына жақын адами құндылықтардың тұтастығын танытады. Біздің азаматтарымыз бәрімізге ортақ бейбітшілік, бірлік, конфессияаралық келісім және басқа да көптеген маңызды жетістіктерімізді мақтан ете алады.

Бүгінде түрлі дін өкілдері өзара түсіністікті нығайтуға және қазіргі Қазақстан қоғамының тұрақты дамуына елеулі үлес қосуда. Бәріңізге шын жүректен зор денсаулық, баянды бақыт, отбасыларыңызға береке тілеймін!"

http://www.akorda.kz

Оқи отырыңыз