ТІРКЕЛМЕГЕН ҚЫРЫҚ ШАҚТЫ МЫЛТЫҚТЫ ТӘРКІЛЕДІ

ТІРКЕЛМЕГЕН ҚЫРЫҚ ШАҚТЫ МЫЛТЫҚТЫ ТӘРКІЛЕДІ

Алматы облысының тәртіп сақшылары «Учаске» жедел алдын алу іс-шарасы барысында еш жерде тіркелмеген 39 қаруды анықтап, тәркіледі.

Ведомство таратқан ақпарға сәйкес, қыркүйек айында басталған республикалық іс-шара аясында қару-жарақ иелерінің заңнама талаптарын сақтауына бақылау жүргізіліп, өңірдегі қару-жарақ айналымы тексерілді.

«Учаске» іс-шарасы барысында 39 мықтықтың, оның ішінде 8 ойық мылтық, 26 тегіс ұңғылы аңшы мылтығы және өзге қарулардың тіркелмегені анықталды. Олар тәркіленіп, қару иелеріне ірі көлемде әкімшілік айыппұлдар салынды.

- Сонымен қатар, шара барысында қаруды сақтау ережесін сақтамағаны үшін 531 азаматқа әкімшілік хаттама толтырылып, айыппұлдар салынды, - деді облыстық полиция өкілдері.

Естеріңізге сала кетейік, «Әкімшілік құқық бұзушылық туралы» Қазақстан Республикасының Кодексіне сәйкес қару иелері заңнама талаптарын мүлтіксіз сақтауы тиіс. Өз кезегінде, тәртіп сақшылары заңнаманы білмеу азаматтарды жауапкершіліктен босатпайтынын ескертеді.

 

"ЖЕТІСУ - АҚПАРАТ"

Оқи отырыңыз