Жамағатқа жаңа мешіт

Жамағатқа жаңа мешіт

Жуырда Талғар ауданы, Гүлдала ауы­лы­ның тұрғын­дары көптен күткен қуаныш­тың куәсі болды. Ол мұсылман бауырларға арналған Алланың үйі – еңселі мешіттің ашы­луы еді. Жағымды жаңа­лықтан құлағдар болған халық­тың қарасы қалың. Жү­ре­гіне иман ұйытып, Алланың мейіріміне бөленген мұсылман қауымының нағыз мере­кесі екенін сезін­діреді.

Өйткені, жарық та сәулетті етіп салынған үш қабатты ғи­ба­датханада 500-ден аса адам­ның жиылып, жайнамазға маң­дай тигізуіне мүмкіндік мол. Сал­та­натты шараны тіз­гін­деген таны­мал ақын Кәм­нұр Тәлімұлы: «Мешіт – Бай­тол­ла деген қақ­па­ның жер бе­тіндегі бөлімшесі. Алла пен­де­сінің өзіне деген ғибадат, құл­шы­лығы мен тілегін қа­был­дап, жаннат бақшасына жол аша­тын, жүрегімізге иман нұрын шашатын, тозақ отына күйдір­мей, қалқан болып то­са­­тын ең қас­терлі де қасиетті киелі орын, ағайын. Олай бол­са, жаңа мешітіміз құтты бол­сын!», – деген ізгі тілегімен сөз бастап, меймандармен та­ныстырып өтті. 

Мешіттің ашылу салта­на­тына Қазақстан Мұсыл­ман­да­ры діни басқармасының төр­аға­сы, Бас мүфти Ержан қажы Мал­ғажыұлы, аудан әкімінің орын­басары Дәрменияр Қы­дырбек­ұлы, дүниежүзілік “Ахыс­ка” тү­рік орталығы” қо­ғамдық бір­лес­тігінің төр­аға­сы, мешіттің бас демеушісі Зият­дин Исми­хан­ұлы, Алматы об­лысы Ал­маты өңірі бойын­ша өкілі Қуа­ныш Ба­қыт­бек­ұлы, Алматы қа­ла­сын­дағы Ор­талық мешіттің бас имамы Нұрбек қажы Есма­ған­бетұлы қатысты. «Құран сөзі – Құдай сөзі» деп жаңа мешіттің има­мы Исмаил Тұрсынұлы Құ­ран оқыды.

 – Бүгін ақ түйенің қарны жа­рылған қуанышты күн. Ал­лаға мың да бір шүкір, елі­міз­дің, егемендігіміздің, хал­қы­мыздың бір­лігінің арқасында Қазақ­стан­ның барлық елді ме­кен­дерінде осындай мешіт­тер ашылып, ха­лықтың игілігіне беріліп жатыр. Бұл мешіт салу, мешітке атса­лысу – адамдар­дың барлығына нәсіп ете бе­рмейтін үлкен сауапты іс. Қа­зіргі таңда елдің, халықтың әл-ауқаты жақсы, қалталы азаматтар көп, әйтсе де осын­дай мешітті Алланың өзі нәсіп еткен адамдар ғана сала ала­ды. Мешіт салған адам – Ал­ла­ның алдында үлкен құр­мет­ке ие. Мешіт салған адамды Алла Құран Кәрімде мақтады. «Кімде кім Алланың разы­лы­ғын қалап, осы дүниеде мешіт салған бол­са, оған Алла Таға­ла жаннаттан үй салады» де­ген ардақты пай­ғам­барымыз Мұхаммед с.ғ.с. Қа­зір мешітте жамағаттың 80-90 пайызын жастар құрайды. Бұл болаша­ғы­мыздың баянды боп, же­тістігіміздің еселене бере­ті­нін білдіреді. Сол үшін Аллаға шү­кіршілік етеміз. Біз осы күн­гі береке-бірлігімізді, ты­ныш­­ты­ғы­мызды көздің қара­шы­ғын­дай сақтауымыз керек, – дей келе Бас мүфти қайырлы іске атса­лыс­қан барлық аза­мат­тарға ал­ғы­сын жеткізіп, Алла Тағала екі дү­ниенің ба­қытын нәсіп етуін тілеп, жаңа мешітке Құран кі­тапты сый­лады.

– Осыдан бір-екі жыл бұ­рын Бас мүфтиіміздің қаты­суы­мен Кең­дала ауылынан «Нұр-Мү­бә­рәк» уни­вер­си­те­тінің филиалы –медресе ашыл­­­ған еді. Содан бері жас­та­рымызды иман­ды­лық­қа тәр­биелеуде жақсы жұ­мыс ат­қа­рып келеді. Енді, міне, 100 орындық ескі мешітті ал­мас­­тыр­ған жаңа мешіт жама­ғатқа тол­сын, – деді аудан әкі­мінің орынбасары Дәрменияр Қы­дыр­бекұлы.

Салтанатты мешітке де­меу­­шілік жасаған Зиятдин Ка­санов та жиылған жамағатты қуа­ныш­тарымен құттықтап, Ал­ла­дан амандық пен құт-бе­реке ті­леді. Дәстүрге сай Гүл­дала ауыл­дық округінің әкімі Мақсат Жұ­ма­шев пен мешіт жанашыры Яр­мұ­хамед Дана­ху­нов мей­ман­дар­ға құрмет көр­сетіп, иықта­рына зерлі ша­пан жапты. Жаңа ме­шіттің лен­­тасы қиылып, ша­шу ша­шыл­ды. Жамағат жаңа ме­шіт­тің табалдырығын аттап, на­маз оқыды.

Ұлбосын Исабек

Оқи отырыңыз